聽歌學台語: 陳一郎 - 行船人的純情曲

	八月十五彼一工 pueh-gue̍h tsa̍p-gōo hit tsi̍t-kang
	船欲離開琉球港 tsûn beh lī-khui Liû-khiû-káng
	只有船煙白茫茫 tsí-ū tsûn-ian pe̍h-bâng-bâng
	全無朋友啊來相送 tsuân bô pîng-iú--ah lâi sio-sàng
	滿腹憂悶心沉重 muá-pak iu-būn sim tîm-tāng
	看無愛人仔伊一人 khuànn-bô ài-jîn-á i tsi̍t-lâng
	堅心忍著真情夢 kian-sim jím tio̍h tsin-tsîng bāng
	帶著寂寞來出帆 tuà tio̍h siok-bo̍k lâi tshut-phâng
	生活海面行船岸 sing-ua̍h hái-bīn kiânn tsûn huānn
	海水潑來冷佮寒 hái-tsuí phuah-lâi líng kah kuânn
	為著前途來拍拚 uī-tio̍h tsiân-tôo lâi phah-piànn
	心愛應該了解我 sim-ài ìng-kai liáu-kái guá
	無情風浪怎袂停 bô-tsîng hong-lōng tsuánn buē thîng
	心事一重又一重 sim-sū tsi̍t-tîng iū tsi̍t-tîng
	奮鬥拍拚的男性 hùn-tàu phah-piànn ê lâm-sìng
	將來才有好前程 tsiong-lâi tsiah ū hó tsiân-tîng
	船若入港兩三工 tsûn nā ji̍p káng nn̄g-sann-kang
	又閣趕緊欲出港 iū-koh kuánn-kín beh tshut-káng
	阮的愛人仔無來送 gûn ê ài-jîn-á bô lâi sàng
	叫阮怎樣仔來出帆 kiò gûn tsuánn-iūnn-á lâi tshut-phâng
	行船的人免怨嘆 kiânn-tsûn ê lâng bián uàn-thàn
	心情著愛放輕鬆 sim-tsîng tio̍h-ài pàng khin-sang
	等船重入琉球港 tán tsûn tiông ji̍p Liû-khiû-káng
	約束心愛伊一人 iok-sok sim-ài i tsi̍t-lâng

陳一郎 - 行船人的純情曲

『蔡小虎』故鄉的地圖（重低音強化版）

袁小迪 vs 曾心梅 - 今夜台北城【KTV 導唱字幕】

愛情爐丹-蔡小虎