聽歌學台語: 洪一峰寶島四季謠

	春天時 tshun-thinn sî
	草山櫻花獻嬌媚 Tsháu-suann ing-hue hiàn kiau-bī
	紅男綠女滿滿是 hông-lâm li̍k-lú muá-muá-sī
	欣賞青春好芳味 him-sióng tshing-tshun hó phang-bī
	輕步踏草青 khin-pōo ta̍h tsháu tshinn
	清風撫弄著花片 tshing-hong bú-lāng tio̍h hue-phìnn
	精彩好情緒 tsing-tshái hó tsîng-sī
	夏天時 hā-thinn sî
	驕陽照著碧潭邊 kiau-iông tsiò tio̍h Phik-thâm pinn
	橋影搖來又搖去 kiô-iánn iô lâi iū iô khì
	水面活潑美人魚 tsuí-bīn ua̍h-phuat bí-jîn-hî
	笑聲鬥人意 tshiò-siann tàu-lâng-ì
	小船洩出戀歌詩 sió-tsûn sia̍p-tshut luân-kua-si
	飄飄飛上天 phiau-phiau pe tsiūnn-thinn
	秋天時 tshiu-thinn sî
	弓蕉園邊秋蟬啼 king-tsio-hn̂g pinn tshiu-siân thî
	黃葉落地聲輕微 n̂g-hio̍h lo̍h tuē siann khin-bî
	姑娘伴哥笑嘻嘻 koo-niû phuānn ko tshiò hi-hi
	割著慢冬米 kuah-tio̍h bān-tang-bí
	水牛表示怨妒意 tsuí-gû piáu-sī uàn-tòo ì
	踏入去水池 ta̍h ji̍p-khì tsuí-tî
	冬天時 tang-thinn sî
	溫泉煙霧顯活氣 un-tsuânn ian-bū hián ua̍h-khì
	毋知霜風包四邊 m̄-tsai sng-hong pau sì-pinn
	一對異國的情侶 tsi̍t-tuì ī-kok ê tsîng-lī
	談笑糖蜜甜 tâm-tshiò thn̂g-bi̍t-tinn
	喙食椪柑配咖啡 tshuì tsia̍h phòng-kam phè ka-pi
	稱讚南方味 tshing-tsàn lâm-hong bī

洪一峰寶島四季謠

【MV首播】陳隨意 - 男人的性命 (官方) 『一家團圓』片尾曲

無奈擱無奈

感情放一邊 ~ 江蕙