聽歌學台語: 葉啟田

	雖然是難分難離 sui-jiân sī lân-hun lân-lî
	雖然是海風微微 sui-jiân sī hái-hong bî-bî
	堅心忍著離別的滋味 kian-sim jím tio̍h lî-pia̍t ê tsu-bī
	也是你我愛分開 iā-sī lí guá ài hun-khui
	為怎樣 uī tsuánn-iūnn
	心肝親像雺霧隨風吹 sim-kuann tshin-tshiūnn bông-bū suî hong tshue
	心愛你毋通傷心 sim-ài lí m̄-thang siong-sim
	我會思念你 guá ē su-liām lí
	海上的雺霧綿綿 hái-siōng ê bông-bū mî-mî
	船頂的小燈稀微 tsûn-tíng ê sió-ting hi-bî
	加添著我思念的滋味 ka-thiam tio̍h guá su-liām ê tsu-bī
	也是已經有三年 iā-sī í-king ū sann-nî
	為怎樣 uī-tsuánn-iūnn
	心情親像海鳥四方飛 sim-tsîng tshin-tshiūnn hái-tsiáu sù-hong pue
	心愛的請你相信 sim-ài--ê tshiánn lí siong-sìn
	我會愛著你 guá ē ài-tio̍h lí
	寒冷的海風微微 hân-líng ê hái-hong bî-bî
	無情的雺霧綿綿 bô-tsîng ê bông-bū mî-mî
	逼阮想著見面的滋味 pik gún siūnn-tio̍h kìnn-bīn ê tsu-bī
	也是更加我傷悲 iā-sī kìng ka guá siong-pi
	為怎樣 uī-tsuánn-iūnn
	心頭親像海水冷吱吱 sim-thâu tshin-tshiūnn hái-tsuí líng-ki-ki
	雺霧你毋知何時 bông-bū lí m̄-tsai hô-sî
	才會來吹開 tsiah ē lâi tshue--khui

葉啟田 - 野鳥

【MV首播】陳隨意 - 男人的性命 (官方) 『一家團圓』片尾曲

葉啟田 - 情淚

羅時豐港邊甘是男性傷心的所在