鳳飛飛 MV《補破網》

	見著網目箍紅 kìnn tio̍h bāng ba̍k-khoo âng
	破甲遮大空 phuà kah tsiah tuā khang
	想欲補無半項 siūnn-bueh póo bô-puànn-hāng
	啥人知阮苦痛 siánn-lâng tsai gún khóo-thàng
	今日若將這來放 kin-ji̍t nā tsiong tse lâi pàng
	是永遠無希望 sī íng-uán bô hi-bōng
	為著前途罔活動 uī-tio̍h tsiân-tôo bóng ua̍h-tāng
	揣家私補破網 tshuē ke-si póo-phuà-bāng
	手倚網頭就重 tshiú uá bāng thâu tsiū tāng
	悽慘阮一人 tshi-tshám gún tsi̍t lâng
	意中人走佗藏 ì-tiong-lâng tsáu tó tshàng
	針線來鬥幫忙 tsiam suànn lâi tàu pang-bâng
	姑不而將罔振動 koo-put-jî-tsiong bóng tín-tāng
	攑網針接西東 gia̍h bāng tsiam tsiap se tang
	天河用線作橋板 thian-hô iōng suànn tsuè kiô-pán
	全精神補破網 tsuân tsing-sîn póo-phuà-bāng
	魚入網好年冬 hî ji̍p bāng hó-nî-tang
	歌聲滿漁港 kua-siann muá hî-káng
	阻風雨駛孤帆 tsóo hong-hōo sái koo phâng
	阮勞力無了工 gún lô-li̍k bô liáu-kang
	雨過天清魚滿港 hōo kuè thinn-tshing hî muá káng
	最快樂咱雙人 tsuè khuài-lo̍k lán siang-lâng
	今仔日團圓心花芳 kin-á-ji̍t thuân-uân sim-hua phang
	從今免補破網 tsiông kim bián póo-phuà-bāng

鳳飛飛好歌MV -《江上月影》

曾心梅《平凡甲平安》Ft.林俊吉 MV版 Official / 『牽線』專輯

心掛意無路用

黃妃 - 咱的情歌 [Official Audio]〔首張時空概念專輯《我若是黃倩倩》〕