郭金發 - 燒肉粽 - 聽歌學台語

	想起細漢真活動 siūnn-khí suè-hàn tsin ua̍h-tāng
	爸母本來真疼痛 pē-bú pún-lâi tsin thiànn-thàng
	予我讀書幾若冬 hōo guá tha̍k-tsu kui-lō tang
	出業頭路無半項 tshut-gia̍p thâu-lōo bô-puànn-hāng
	暫時來賣燒肉粽 tsiām-sî lâi buē sio-bah-tsàng
	燒肉粽燒肉粽 sio-bah-tsàng sio-bah-tsàng
	賣燒肉粽 buē sio-bah-tsàng
	欲做生理真困難 beh tsuè-sing-lí tsin khùn-lân
	若無本錢做袂動 nā bô pún-tsînn tsuè buē-tāng
	不正行為是毋通 put-tsìng hîng-uî sī m̄-thang
	所以暫時做這項 sóo-í tsiām-sî tsuè tsit hāng
	環境逼我賣肉粽 khuân-kíng pik guá buē bah-tsàng
	燒肉粽燒肉粽 sio-bah-tsàng sio-bah-tsàng
	賣燒肉粽 buē sio-bah-tsàng
	物件一日一日貴 mn̍gh-kiānn tsi̍t-ji̍t tsi̍t-ji̍t kuì
	厝內頭喙遮大堆 tshù-lāi thâu-tshuì tsiah tuā-tui
	雙跤走甲欲牚腿 siang-kha tsáu kah beh thìnn-thuí
	拄著無銷上克虧 tú-tio̍h bô-siau siōng khik-khui
	認真再賣燒肉粽 jīn-tsin tsài buē sio-bah-tsàng
	燒肉粽燒肉粽 sio-bah-tsàng sio-bah-tsàng
	賣燒肉粽 buē sio-bah-tsàng

愛到入骨郭金發

賴銘偉《萬年香火》 [Official Music Video]

葉啟田 - 故鄉

向蕙玲不知官方完整Official ＭＶ