歌を聴いて台湾語を学ぼう（ロゴ）
日本語
  
留幾个字 寫一句關心

lâu kuí ê jī siá tsi̍t kù kuan-sim
應幾句好 換一張笑面

ìn kuí kù hó uānn tsi̍t tiunn tshiò-bīn
拚幾若年 攏為一个原因

piànn kuí-lō nî lóng-uī tsi̍t-ê guân-in
厝內有人 咧等我轉去

tshù-lāi ū lâng teh tán guá tńg--khì
欲做春夏秋冬沃風雨的窗

beh tsò tshun-hē-tshiu-tang ak-hong-hōo ê thang
一爿咧看 一爿來掩

tsi̍t pîng teh khuànn tsi̍t pîng lâi am
猶袂赴唱的歌 無的確 鹹酸苦汫

iáu bē-hù tshiùnn ê kua bô-tik-khak kiâm-sng-khóo-tsiánn
若想欲講思念 會梢聲 按怎嘛唱袂煞

nā siūnn-beh kóng su-liām ē sau-siann àn-tsuánn mā tshiùnn bē-suah
我寬寬仔牽著你 沓沓仔行 鹹酸苦汫

guá khuan-khuan-á khan tio̍h lí ta̍uh-ta̍uh-á kiânn kiâm-sng-khóo-tsiánn
閣下一个願望 咱來做伙看 這个世界會按怎

koh hē tsi̍t-ê guān-bōng lán lâi tsuè-hué khuànn tsit-ê sè-kài ē án-tsuánn
欲做春夏秋冬沃風雨的窗

beh tsò tshun-hē-tshiu-tang ak hong-hōo ê thang
一爿咧看 一爿來掩

tsi̍t pîng teh khuànn tsi̍t pîng lâi am
我知影每一工 無的確 鹹酸苦汫

guá tsai-iánn muí tsi̍t kang bô-tik-khak kiâm-sng-khóo-tsiánn
會漸漸袂記喝 袂記聽 好䆀攏吞落腹

ē tsiām-tsiām bē-kì huah bē-kì thiann hó-bái lóng thun-lo̍h-pak
佳哉我閣有你 陪我看 鹹酸苦汫

ka-tsài guá koh ū lí puê guá khuànn kiâm-sng-khóo-tsiánn
愛毋但一个字 閣有白頭鬃

ài m̄-nā tsi̍t-ê jī koh-ū pe̍h-thâu-tsang
是鹹酸苦汫 你攏佇邊仔

sī kiâm-sng-khóo-tsiánn lí lóng tī pinn-á
佳哉我閣有你 陪我看 鹹酸苦汫

ka-tsài guá koh ū lí puê guá khuànn kiâm-sng-khóo-tsiánn
愛毋但一个字 閣有白頭鬃

ài m̄-nā tsi̍t-ê jī koh-ū pe̍h-thâu-tsang
是鹹酸苦汫 你攏佇邊仔

sī kiâm-sng-khóo-tsiánn lí lóng tī pinn-á
あなたも気に入るかもしれません
麋先生 聖皓 feat. 王識賢 [ 鹹酸苦汫 ] Official Music Video

麋先生 聖皓 feat. 王識賢 [ 鹹酸苦汫 ] Official Music Video

DJ MR.GIN - 沒毛病 (no prob) ft.Jimmy boy

DJ MR.GIN - 沒毛病 (no prob) ft.Jimmy boy

郭金發-為什麼

郭金發-為什麼

陳亞蘭 - 有話你就講啦 (官方完整版MV)

陳亞蘭 - 有話你就講啦 (官方完整版MV)