聽歌學台語: 葉啟田 一如當初

	佮你熟似彼下晡 kah lí si̍k-sāi hit ē-poo
	天落一陣西北雨 thinn lo̍h tsi̍t-tsūn sai-pak-hōo
	你穿一領水色的洋裝 lí tshīng tsi̍t-niá tsuí-sik ê iûnn-tsong
	沃甲澹糊糊 ak kah tâm-kôo-kôo
	一時陣心生疼惜 tsi̍t-sî-tsūn sim sing thiànn-sioh
	才會行入情字這條路 tsiah ē kiânn-ji̍p tsîng--jī tsit tiâu lōo
	雖然已經變成過去 sui-jiân í-king piàn-sîng kuè-khì
	你也揣著你的幸福 lí iā tshuē-tio̍h lí ê hīng-hok
	對你的情一如當初 tuì lí ê tsîng it-jû tong-tshoo
	佮你分開彼下晡 kah lí hun-khui hit ē-poo
	猶原落著西北雨 iu-guân lo̍h tio̍h sai-pak-hōo
	你佮伊攑著一枝雨傘 lí kah i gia̍h tio̍h tsi̍t-ki hōo-suànn
	放我澹糊糊 pàng guá tâm-kôo-kôo
	一時陣心生覺悟 tsi̍t-sî-tsūn sim sing kak-ngōo
	這是一條袂當回頭的路 tse sī tsi̍t-tiâu buē-tàng huê-thâu ê lōo
	雖然已經變成過去 sui-jiân í-king piàn-sîng kuè-khì
	你也揣著你的幸福 lí iā tshuē-tio̍h lí ê hīng-hok
	對你的情一如當初 tuì lí ê tsîng it-jû tong-tshoo
	一時陣心生覺悟 tsi̍t-sî-tsūn sim sing kak-ngōo
	這是一條袂當回頭的路 tse sī tsi̍t-tiâu buē-tàng huê-thâu ê lōo
	雖然已經變成過去 sui-jiân í-king piàn-sîng kuè-khì
	你也揣著你的幸福 lí iā tshuē-tio̍h lí ê hīng-hok
	對你的情一如當初 tuì lí ê tsîng it-jû tong-tshoo

內山姑娘要出嫁 - 葉啟田

賴銘偉《萬年香火》 [Official Music Video]

郭忠祐『滷肉芳』/【戲說台灣】片頭曲/收錄『故事繼續』專輯

鄭宜農 –〈圓缺〉