聽歌學台語: 三更雨

	一更雨水遮爾重 tsi̍t-kinn hōo-tsuí tsiah-nī tāng
	想起故鄉老大人 siūnn-khí kòo-hiong lāu-tuā-lâng
	離開已經兩三冬 lī-khui í-king nn̄g-sann tang
	思念目箍漸漸紅 su-liām ba̍k-khoo tsiām-tsiām âng
	二更雨水潑入窗 jī-kinn hōo-tsuí phuah ji̍p thang
	想起愛人仔你一人 siūnn-khí ài-jîn-á lí tsi̍t-lâng
	毋是故意將你放 m̄-sī kòo-ì tsiong lí pàng
	請你當做一場夢 tshiánn lí tòng-tsuè tsi̍t-tiûnn bāng
	三更雨停露水重 sann-kinn hōo thîng lōo-tsuí tāng
	可比一場相思夢 khó-pí tsi̍t-tiûnn siunn-si bāng
	心愛你也免怨嘆 sim-ài lí iā bián uàn-thàn
	將阮當做無情人 tsiong gún tòng-tsuè bô-tsîng-lâng